ТА БҮХНИЙГ ХҮНДЭТГЭСЭН СУРГУУЛИЙН ЗАХИРАЛ Н.АМАРЖАРГАЛ

Мэндчилгээ

Манай цахим хуудсанд морилон саатаж буй танд 154 дүгээр сургуулийн хамт олны өмнөөс мэндчилж байна.

Нийслэлийн ерөнхий боловсролын 154 дүгээр сургууль нь Зөв Монгол хүнийг хүмүүжүүлэн сургах, тэдний авьяасыг нээн дэмжиж, амьдрах ухаантай, бүтээлч сэтгэлгээтэй, дэлхийд өрсөлдөхүйц Монгол иргэдийг бэлтгэн гаргах их үйлсэд хувь нэмрээ оруулдаг үндэсний чадварлаг багш нараар багаа бүрдүүлэн ажиллаж байна. Цахим хуудасны хувьд, орчин үеийн загвар дизайн, технологийн шийдэлд нийцүүлэн өөрчилж, сургуулийн бодлого, сургалтын хөтөлбөр, үйл ажиллагааны талаар олон нийтэд цогц мэдээлэл хүргэхийг зорих болно. 154 дүгээр сургуулийг үеийн үед дэмжин, үнэтэй зөвлөгөө, сургаалаа хайрлаж ирсэн та бүхэндээ баярлалаа. Бид ирээдүйн аз жаргалтай иргэдийг бэлтгэх их үйлсэд хамтран зүтгэгчид билээ. Цаашид ч бидний хамтын ажиллагаа үр өгөөжтэй, цэцэглэн хөгжинө гэдэгт итгэж байна.

Сонгинохайрхан уулаараа овоглож
Сурч мэдэхийн аянд шавь нараа хөтөлсөн
Содон хорооллын дэнж дээрх
154-р сургуулийн хамт олны минь
Ажил үйлс нь өөдлөн дээшилж
Амжилт бүтээлээр дүүрэн байх болтугай

Бидний тухай
Тус сургууль нь БНХАУ-ын хөрөнгө оруулалтаар 3 давхар, 640 хүүхдийн хүчин чадалтай баригдсан.  Нийт эзлэхүүн 54983.03м3, нийт талбай 6190м2, ашигтай талбай 5581м2. Мөн төвлөрсөн эрчим хүч, инженерийн шугам сүлжээ, дотоодын цахим сүлжээнд  бүрэн холбогдсон. 
Хүний нөөцөөр бүрэн хангагдсан. Захирал Навааны Амаржаргал нь математикийн багш, эрх зүйч, хуульч мэргэжилтэй. Улсад 30 жил, боловсролын салбарт 22 жил ажиллаж байна. Сонгинохайрхан дүүргийн Засаг даргын 2021 оны Б/20 дугаар тушаалаар тус сургуульд томилогдсон.
Хичээлийн 1 байртай бөгөөд Захиргаа, аж ахуйн тасаг, заах аргын 3 нэгдэл, 12 секцтэй нийт 115 багш, ажилчидтайгаар үйл ажиллагаагаа явуулж байна. Багш нарын 73,1 хувь бакалавр, 24,3 хувь магистр ба заах аргач 41, тэргүүлэх 15, зөвлөх 1, доктор 1, нийт 69,5 хувь нь мэргэжлийн зэрэгтэй багш нар ажиллаж байна. Сургалтын 29 танхим, багш, ажилчдын өрөө, номын сан, цахим смарт анги, спорт, урлагийн заал, цайны газар, гадна талбайд сагсан бөмбөгийн талбай болон 60м/кв ногоон байгууламжтай.
      2022-2023 оны хичээлийн хагас жилийн байдлаар  60 бүлгийн нийт 2596 суралцагчид хоёр ээлжээр хичээллэж байна. Үүнээс 1296 эрэгтэй, 1300 эмэгтэй суралцагчидтай. Бага ангийн 1686 суралцагч, бүрэн дунд боловсролын 186 суралцагч, суурь боловсролын 724 суралцагчтай. 
  Залуу багш нарын клуб болон  хүүхэд хамгааллын суралцагчдын  өөрөө удирдах зөвлөл 3, хүүхэд хөгжүүлэх 6 төрлийн дугуйлан секц  хичээллэж байна.